काठमाडौँ । अटो व्यवसायीहरूको छाता संगठन नाडा अटोमोबाइल्स एशोसिएशनको अध्यक्षमा करण चौधरीलाई चयन गर्ने सम्झदारी भएकाे छ ।
नाडाको आज बसेको बैठकले सिजी होल्डिङका कार्यकारी निर्देशक करण चौधरीलाई अध्यक्षमा चयन गर्ने सम्झदारी भएकाे हो । नाडाका महासचिव सुरेन्द्र उप्रेतीका अनुसार आर्थिक मन्दीमा अटो व्यवसाय धरापमा परेको स्थितीमा नाडाले सर्वसहमत जाने निर्णय गरेको हो ।
त्यस्तै अर्को पटकको निर्वाचनमा फोर्ड गाडीको आधिकारिक वितरक जिओ अटोमोबाइल्सका प्रबन्ध निर्देशक आकाश गोल्छालाई अध्यक्ष बनाउने निर्णय भएको महासचिव उप्रेतीले बताए । आगामी नेतृत्व चयनको लागि पुस २१ र २२ गते निर्वाचन हुने कार्यतालिका थियाे ।
प्रतिक्रिया दिनुहोस्